Bugun, 31-oktyabr kuni Andijon davlat universitetining katta majlislar zalida universitet rektori Baxtiyorjon Akbaraliyev raisligida 2024/2025-o'quv yilidagi 3-sonli Kengash yig'ilishi bo'lib o'tdi.

Yig'ilish avvalida, universitet rektori Baxtiyorjon Akbaraliyev Kengash tavsiyasi bilan ilmiy unvon va ilmiy darajaga ega bo'lgan bir guruh ustozlarni tabriklab, guvohnomalarini tantanali topshirdi.

Dastlab, universitet rektori Oʻzbekiston Respublikasi qonunlari, Prezident farmon va qarorlari, Oliy taʼlim, fan va innovatsiyalar vazirligi buyruqlari bilan Kengash aʼzolarini tanishtirdi va jamoalarni ham qonunchilikdagi yangiliklar bilan tanishtirib borishni mas'ullarga vazifa qilib belgiladi.

Shundan so’ng, kun tartibidagi masalalar ko'rib chiqildi. Jumladan, universitetda olib borilayotgan dars mashg‘ulotlari, Hemis ta’lim platformasining yuritilishi, joylashtirilgan fan resurslari soni va ularning sifat darajasini o‘rganish masalalari tahlil qilindi. Shuningdek, tadqiqotchilarning ilmiy mavzulari va ilmiy rahbar (ilmiy maslahatchi)larini tasdiqlash bo'yicha fikrlar tinglandi.

Yig'ilish so'nggida, Kengash a'zolarining fikr-mulohazalari va savollari muhokama etilib, yaqin istiqbolda amalga oshirilishi lozim bo'lgan chora-tadbirlar dasturiy reja asosida belgilab olindi.