Ayni kunlarda Andijon davlat universitetida "Xalqaro talabalar kuni" munosabati bilan "Yoshlar haftaligi" doirasida talaba-yoshlar o'rtasida sport musobaqalari, ijodiy uchrashuvlar, ko'rik-tanlovlar, intellektual turnirlar o'tkazilmoqda.

Bugun, 30-oktyabr kuni Andijon davlat universitetida talaba-yoshlarni teatr sanʼatiga muhabbat ruhida tarbiyalash va maʼnaviy kamolotga yoʻnaltirish maqsadida “Yoshlar orasida jinoyatchilikning oldini olish”, “Giyohvandlikka qarshi kurash” mavzularida fakultetlararo “Talabalar teatr studiyalari” respublika ko'rik-tanlovining universitet bosqichi o'tkazildi.

Tanlovda Matematika va mexanika, Sport va san'at, IT injineringi hamda Tarix fakultetlaridan jami to'rtta jamoalari turli yo'nalish va mavzudagi sahna ko'rinishlarini namoyish etdilar.

Eslatib o'tamiz, tanlovning yakuniy qismi ertaga 31-oktyabr kuni universitetning katta faollar zalida bo'lib o'tadi. G'oliblikni qo'lga kiritgan jamoalar viloyat bosqichiga yo'llanmani qo'lga kirish bilan birga "Xalqaro talabalar kuni" munosabati bilan o'tkaziladigan tantanali bayram tadbirida diplom va esdalik sovg'alari bilan taqdirlanadi.