Bugun, 21-oktyabr kuni Andijon davlat universitetida O'zbek tiliga davlat tili maqomi berilganligining 35 yilligi munosabati bilan "Ona tilim — faxrim mening" shiori ostida ma'naviy-ma'rifiy tadbir bo'lib o'tdi.

Tantanali tadbir universitetimiz rektori Baxtiyorjon Akbaraliyevning kirish so'zlari bilan boshlandi. Tadbir davomida iqtidorli talabalar tomonidan milliy kuy-qo'shiq va raqslar, ona tilimizni madh etuvchi she'rlar ijro etildi.

Tadbir davomida professor-o'qituvchilar so'z olib, dunyoda har bir xalqning o'z tili uning bebaho boyligi, iftixori ekani, ajdodlarimiz buyuk madaniyat namunalarini, ulkan kashfiyotlar, badiiy durdonalarni ham aynan shu tilda yaratganini ta'kidlab o'tdilar.

Tadbir so'nggida faol ishtirok etgan talaba-yoshlar universitet rahbariyatining tashakkurnomasi va esdalik sovg'alari bilan taqdirlandi.