Muqaddas islom dini ilmlari rivojiga beqiyos hissa qo‘shgan buyuk olim, vatandoshimiz Imom Abu Iso Muhammad Termiziyning ulkan ilmiy merosini yanada chuqur o‘rganish, xalqimiz va jahon jamoatchiligi o‘rtasida keng targ‘ib etish, yosh avlodning ma’naviy-ruhiy olamini boyitish, ularning qalbida milliy iftixor, Vatanga muhabbat va sadoqat tuyg‘usini yanada kuchaytirish maqsadida universitetda yozuvchilar hamda shoirlar ishtirokida davra suhbatlari, ma'naviy-ma'rifiy tadbirlar, uchrashuvlar o'tkazilmoqda.

Bugun, 23-sentyabr kuni Andijon davlat universitetida Imom Termiziy tavalludining 1200 yilligini keng nishonlash maqsadida Filologiya fakulteti dekan o'rinbosari K.Shaxobov hamda talabalar ishtirokida Imom Termiziyning ibratli hayot yo'li va ilmiy merosiga bag'ishlangan davra suhbati tashkil etildi.

Uchrashuvda mas'ullar tomonidan mashhur muhaddislardan biri Imom Termiziyning hayot va ijod yo'llari, yozib qoldirgan asarlari haqida atroflicha ma'lumotlar berdi.