Bugun, 27-avgust kuni Andijon davlat universiteti rektori Baxtiyorjon Akbaraliyev raisligida kafedra mudirlari, professor-o'qituvchilar ishtirokida yangi 2024/2025-oʻquv yiliga tayyorgarlik koʻrish, ishlarini samarali tashkil etish bo‘yicha yig'ilish bo'lib o'tdi.

Yig'ilish avvalida rektor tomonidan oʻquv soatlari va dars jadvallarini oʻquv jarayoni boshlangunga qadar taqsimlanganligi, oʻquv hamda laboratoriya xonalarini shay holatga kelganligi, taʼlim jarayonini samarali tashkil etish, talaba-yoshlar yangi oʻquv yilida hech qanday muammoga duch kelmasligiga zamin yaratish masalalari atroflicha oʻrganildi.

Yig'ilish davomida ishtirokchilarning yangi o'quv yilini samarali tashkil qilish yuzasidan takliflari, fikr-mulohazalari tinglandi va bildirilgan takliflar asosida kelgusida istiqboldagi rejalar belgilanib olindi.