Ayni kunlarda respublikamizning barcha hududlarida texnikumlarni muvaffaqiyatli tamomlagan bitiruvchilar uchun oliy ta’lim muassasalarining bakalavriat ta’lim yo‘nalishlariga suhbat asosida o‘qishga qabul qilish jarayonlari o'tkazilmoqda.

Bugun, 16-avgust kuni texnikumlarni muvaffaqiyatli tamomlab, Andijon davlat universitetiga hujjat topshirgan abituriyentlarni o'qishga qabul qilish uchun suhbat jarayonlarining dastlabki kuni boshlandi.

Talabgorlar uchun suhbat jarayonlari kafedralarning mas'ul professor-o'qituvchilari va soha mutaxassislari tomonidan olib borilmoqda. Imtihonlarni shaffof va adolatli o'tishini korrupsiya bo'limi xodimlari nazorat qilmoqda.

Ma'lumot o'rnida, bugungi sinovlarda jami 18 nafar talabgor “Kompyuter injiniringi: AT-servis” ta’lim yo‘nalishi bo’yicha suhbat jarayonlarida ishtirok etishi belgilangan.