Bugun, 7-avgust kuni Andijon davlat universitetining faollar zalida universitet rektori Baxtiyorjon Akbaraliyev boshchiligida yangi o'quv yiliga tayyorgarlik ishlarini sifatli tashkil etish borasida amalga oshirilayotgan ishlar yuzasidan fakultet dekanlari, kafedra mudirlari hamda bo'lim boshliqlari ishtirokida kengaytirilgan yig‘ilish o‘tkazildi.

Yig'ilish avvalida oliygoh rahbari B.Akbaraliyev ta'lim sohasida qabul qilingan qonunlar va ularda belgilangan vazifalarga to'xtalib, universitetda amalga oshirilayotgan islohotlar, yangi 2024/2025-o'quv yiliga tayyorgarlik yuzasidan amalga oshirilayotgan ishlar natijadorligi boʻyicha ma'lumotlar berdi.

Shundan so'ng, o'quv yili yakuni, yangi o'quv yiliga tayyorgarlik ishlari, tashkil etilishi belgilangan "Registrator ofisi" loyihasi va universitetdagi fakultetlar tarkibiy tuzilmasi yig'ilish qatnashchilari ishtirokida muhokama etildi.

Yig'ilish davomida ishtirokchilarning fikr-mulohazalari tinglandi va bildirilgan takliflar asnosida kelgusida istiqboldagi ustuvor vazifalar belgilanib olindi.