Bugun,1- avgust kuni Rossiya Federatsiyasining Krasnodar shahridan iqtisodiyot, san'at, turizm ta'lim sohasi vakillaridan iborat delegatsiya a'zolari Andijon davlat universitetiga tashrif buyurdi.

Dastlab, zoom platformasi orqali ikki oliygoh rektorlari Baxtiyor Bakirovich hamda Mixail Borisovich o'rtasida hamkorlik aloqalarini rivojlantirishga qaratilgan onlayn uchrashuv bo'lib o'tdi. Uchrashuvda universitetlar oʻrtasida akademik hamda ilmiy sohalardagi hamkorlikni yanada rivojlantirish, taʼlim sifatini oshirishga qaratilgan qator loyihalarni amalga oshirish masalalari muhokama qilindi.

Shundan soʻng, oliygoh rahbarlari tomonidan kelgusida qoʻshma taʼlim dasturlari asosida kadrlar tayyorlash, professor-oʻqituvchilar malakasini oshirish va amaliyotlar tashkil etish, talabalar almashinuvini yoʻlga qoʻyish bo'yicha hamkorlik shartnomasi imzolandi. Imzolangan yangi hujjatlar ta'lim sohasidagi hamkorlikni yanada rivojlanishiga va ko'plab loyihalarni amalga oshirishda dasturulamal bo'lib xizmat qiladi.

Uchrashuv yakunida rektorlar o‘zlarining esdalik sovg‘alarini bir-birlariga taqdim qildilar.