Andijon davlat universitetida 2024/2025-oʻquv yili uchun alohida iqtidor talab etiladigan taʼlim yoʻnalishlariga kasbiy (ijodiy) imtihonlar boʻlib oʻtmoqda.

Bugun, 10-iyul kuni belgilangan grafik asosida sport faoliyati: kurash, yengil atletika hamda stol tennis yoʻnalishlarining kunduzgi ta'lim shakliga hujjat topshirgan abituriyentlar uchun ijodiy imtihonlar o‘tkazilmoqda.

Imtihonlarni yuqori saviyada, shaffof va adolatli oʻtishini taʼminlash maqsadida oʻz yoʻnalishi boʻyicha tajribaga ega malakali mutaxassislar jalb etilgan.

Abituriyentlarning ota-onalariga universitetda kutish zali tashkil etilgan bo‘lib, katta monitor orqali imtihon jarayonlarini to'g'ridan-to'g'ri kuzatib borishlari uchun qulay sharoit yaratilgan.