Andijon davlat universiteti rektori, Baxtiyorjon Akbaraliyev o'ziga biriktirilgan yoshlar bilan kelgusida individual ishlash, ularni muammolarini aniqlab, manzilli hal etish maqsadida, bugun 29-iyun kuni Qo’rg’ontepa tumanidagi Mirzo Ulug'bek, Mustaqillik, Mustaqillikning 15 yilligi MFYda istiqomat qilayotgan yoshlarni universitetga taklif qildi.

Dastlab, oliygoh rahbari oʻziga biriktirilgan yoshlar bilan ochiq muloqot o'tkazdi. Samimiy suhbat davomida rektor yoshlarni muammo va takliflarini tinglab, ularni o'zlari qiziqqan hamda orzu qilgan kasbga yo'naltirish, bo'sh vaqtlarini mazmunli va tizimli o'tkazish bo'yicha birma-bir suhbatlashib, kerakli tavsiya va ko'rsatmalarni berdi.

Uchrashuv so'nggida universitet oshxonasida birinchi prorektor bilan bir dasturxon ustida birgalikda tushlik tashkil qilindi.