Respublikamizda 2024/2025-o'quv yili uchun oliy ta'lim muassasalariga kirish bo'yicha kasbiy (ijodiy) imtihonlar 1-iyuldan 25-iyulga qadar belgilangan me'yorlar asosida o'tkazilishi belgilangan.

Bugun, 26-iyul kuni Andijon davlat universiteti rektori Baxtiyorjon Akbaraliyev mas'ullar ishtirokida universitetga alohida iqtidor talab qiladigan ta'lim yo'nalishlariga hujjat topshirgan abituriyentlarga o'tkaziladigan kasbiy (ijodiy) imtihonlarga tayyorgarlik holatini o‘rganish maqsadida imtihonlar o'tkazilishi belgilangan hududda bo'ldi.

O'rganishlar jarayonida oliygoh rahbari imtihon o'tkazilishi rejalashtirilgan zallar, stadion va xonalarda abituriyentlar uchun yaratilgan shart-sharoitlar, imtihon jarayonlarida shaffoflikni ta'minlash maqsadida hududlarda kuzatuv kameralari o'rnatilganligini ko‘zdan kechirdi va imtihonlarni yuqori saviyada o‘tkazish bo‘yicha mas’ullarga tegishli ko'rsatma va topshiriqlarni berdi.