Kuni kecha “Yoshlar oyligi” doirasida Andijon davlat universiteti Axborot texnologiyalari va kompyuter injiniringi fakulteti dekani tashabbusi bilan talabalarning darsdan bo'sh vaqtini mazmunli tashkil etish hamda ularning maroqli hordiq olishlarini ta'minlash maqsadida sport musobaqalari, tanlov, kechki konsert dasturi tashkil etildi.

Tadbir avvalida "Beshta muhim tashabbus" doirasida "Dekan kubogi" uchun turli sport musobaqalari, yoshlarning intellektual salohiyatini oshirish maqsadida tanlovlar o'tkazildi. Oqshomning go'zal pallasida iqtidorli talabalari tomonidan kuylangan sho'x kuy-qo'shiqlar barchaga xush kayfiyat ulashdi.

Tadbir yakunida tanlov hamda sport musobaqalarida faxrli o'rinni egallagan talabalarga universitet rahbariyatining diplom va esdalik sovg'alari topshirildi.