Bugun, 1-aprel kuni Andijon davlat universitetida Izboskan tumanining 43-7-umumta'lim maktablari hamda Oltinko'l tumanining 22-umumta'lim maktabi bitiruvchi o'quvchilari uchun ekskursiya tashkil etildi.

Ushbu ekskursiyaga O'quv ishlari bo'yicha prorektor Rustamjon Mullajonov boshchilik qildi. Dastlab, o'quvchilar o'quv binolarining joylashishi, ularda tahsil olayotgan talaba-yoshlarga yaratilgan sharoit va imkoniyatlar, dars jarayonlarining zamonaviy texnologiyalar asosida tashkil etilgani bilan tanishib chiqdi.

Ekskursiya davomida oliygohda tashkil etilgan laboratoriya xonalari va unda olimlar tomonidan olib borilayotgan ilmiy tadqiqotlar, shuningdek, universitetimizning iqtidorli, faol hamda sportchi talabalarining erishgan yutuqlari, sovrinlari bilan tanishtirildi.