Andijon Davlat
Universiteti
Universitetimizda Qonun va normativ-huquqiy hujjatlar mazmun-mohiyatiga bag'ishlangan davra suhbati bo'lib o'tdi
2023-12-02    639

Joriy yilning 1-dekabr kuni Andijon davlat universitetida "Konstitutsiya haftaligi" doirasida viloyat sudi hamda viloyat maʼmuriy sudi xodimlari, huquqshunos olimlar ishtirokida Qonun hujjatlari mazmun-mohiyati hamda “Konstitutsiyani o‘rganamiz”, “Konstitutsiya – adolat tantanasi” mavzularida davra suhbati oʻtkazildi.

Davra suhbatida viloyat sudi sudyasi N.Rasulov tomonidan soʻnggi yillarda iqtisodiy-ijtimoiy, madaniy-maʼrifiy hayotning turli sohalarida amalga oshirilayotgan keng koʻlamli islohotlar va bu borada erishilayotgan natijalarni mustahkamlashda yangi tahrirdagi Konstitutsiyaning oʻrni va roli, “Oʻzbekiston-2030” strategiyasining ustuvor yoʻnalishlari xususida soʻz yuritildi.

Shuningdek, mas'ullar normativ-huquqiy hujjatlar: ta'lim muassasalarida o'quv-tarbiya jarayonida o'quvchilar va talabalar bilan yuz bergan baxtsiz hodisalarni tekshirish va hisobga olish tartibi to'g'risidagi nizom, ta'lim muassasalari o'quvchilaridan iborat sport jamoalari o'rtasida ommaviy sport tadbirlarini o'tkazish tartibi to'g'risidagi nizomlarning mazmun-mohiyati haqida tushuntirish ishlari olib bordi.

Muloqotda ishtirok etgan talabalarga “Xotin-qizlarni tazyiq va zoʻravonlikdan himoya qilish” toʻgʻrisidagi qonun hamda mamlakatimizda ayni yoʻnalishda olib borilayotgan amaliy saʼy-harakatlar xususida ham batafsil maʼlumotlar berildi.

ANDIJON DAVLAT UNIVERSITETI
Axborot xizmati
MANZILIMIZ
170100, O'zbekiston Respublikasi, Andijon shahar,
Universitet ko'chasi 129-uy
E-pochta: agsu_info@edu.uz
Telefon/faks: 0 (374) 223 88 30
Ishonch telefon: 0 (374) 223 88 14
Transport: 75-yo'nalishdagi taksilar
BIZ IJTIMOIY TARMOQLARDA
© Andijon davlat universiteti, 2004-2024. Barcha huquqlar himoyalangan.