HURMATLI TALABALAR, O‘Z IMKONIYATLARINGIZNI QO‘LDAN BOY BERMANG!

Matematika, amaliy matematika hamda mexanika va matematik modellashtirish ta’lim yo‘nalishining 3-kursida tahsil olayotgan bakalavriat hamda 2-kurs magistratura talabalari uchun akademik Toshmuhammad Aliyevich Sarimsoqov nomidagi stipendiya tanloviga hujjatlar qabul qilish boshlandi. Hujjatlarni qabul qilish joriy yilning 10-mart kuniga qadar davom etadi.

Tanlovda ishtirok etuvchilar quyidagi mezonlarga asoslanishi so‘raladi:

• A’lo o‘qish va ilmiy (ijodiy) ishlarda ishtirok etish;
• Ilmiy maqola va tezislar mavjudligi;
• Davlat tilini va 1 ta chet tilini (MDH tillaridan tashqari) yaxshi bilish.

Tanlovda ishtirok etishni xohlovchi talabalar quyidagi hujjatlarni, zaruriy ma’lumotlarni iqtidorli talabalarning ilmiy-tadqiqot faoliyatini tashkil etish bo‘limiga topshiradilar:

• Sinov daftarchasidan ko‘chirma (dekanat tasdiqlagan);
• Dekan va kafedra mudiri tavsiyanomasi;
• Ilmiy rahbarining fikr-mulohazasi;
• Ilmiy ishlarining ro‘yxati va ularning bosma nusxalari;
• Erishilgan qo‘shimcha yutuqlar to‘g‘risida ma’lumotlar (agar mavjud bo‘lsa);
• Ma’lumotnoma (obektivka);
• Tarjimayi hol (rasmli);
• Pasport nusxasi.

Tanlovda ishtirok etishni xohlovchi nomzodlar hujjatlar yig‘ma jildini (bosma va elektron variantda) joriy yilning 10-martga qadar iqtidorli talabalarning ilmiy-tadqiqot faoliyatini tashkil etish bo‘limiga taqdim etishlari so‘raladi.

 Qo‘shimcha ma’lumotlar uchun Iqtidorli talabalarning ilmiy-tadqiqot faoliyatini tashkil etish bo‘limi (Ashurova Gulchexra)ga +998 94 436 09 94 murojaat qilishingiz mumkin.