Bugun, 29-dekabr kuni Andijon davlat universitetida universitet rektori, biologiya fanlari doktori, professor Akramjon Yuldashev boshchiligida 2021-yil yakunlari va 2022-yildagi istiqbolli rejalar mavzusida kengaytirilgan hay’at yig’ilishi bo’lib o’tdi.

Ushbu yig’ilishda universitetimiz prorektorlari, fakultet dekanlari, bo’lim boshliqlari hamda professor-o'qituvchilar ishtirok etdilar. Yig’ilishda ayrim fakultetlar zoom platformasi orqali qatnashdilar.

Universitet rektori A.S.Yuldashev tomonidan O’zbekiston Respublikasi Prezidentining 2021-yil 24-dekabrda “Davlat oliy ta’lim muassasalarining akademik va tashkiliy-boshqaruv mustaqilligini ta'minlash bo’yicha qo’shimcha chora-tadbirlar to’g’risida”gi PQ-60-sonli hamda “Davlat oliy ta’lim muassasalariga moliyaviy mustaqillik berish chora-tadbirlari to’g’risida”gi PQ-61-sonli qarorlarining mazmun-mohiyati haqida alohida so'z bordi va masala tegishlicha yoritildi.

Yig’ilish so'nggida universitet rektori barchani kirib kelayotgan 2022-yil bilan samimiy qutlab, kelgusi ilmiy faoliyatlariga muvaffaqiyatlar tiladi.
Ushbu yig’ilishda barcha ishtirokchilar o’zlari uchun muhim bo’lgan ma’lumotlarga ega bo’ldi va kerakli xulosalar chiqarib, kelgusidagi istiqbolli rejalarini belgilab oldi.