Kuni kecha Andijon davlat universiteti katta majlislar zalida universitet rektori Akramjon Yuldashev huzurida kengash a’zolari ishtirokida yig’ilish bo’lib o’tdi.

Ushbu kengashning asosiy masalalaridan o’rin olgan, O’zbekiston Respublikasi Vazirlar mahkamasi 2019- yil 7-iyundagi ‘’Oliy ta’lim muassasalari reytingini aniqlash tartibini takomillashtirish chora-tadbirlari to’g’risida’’ gi 467-sonli qarori ko’rib o’tildi.

Yig’ilish davomida universitetimiz rektori Akramjon Yuldashev 2020-yil OTM lar milliy reytingida 62 ta OTM orasida Andijon davlat universiteti 43-o’rinni (37,55) egallab, 2019-yilgi reyting natijalariga ko’ra 4 pog’ona yuqoriga ko’tarilgani haqida gapirib o’tdi.

Andijon davlat universitetining 2020-yil reyting natijalarga ko’ra eng yuqori ko‘rsatgich bilan 1-o’rinni ijtimoiy-iqtisodiyot fakulteti, 2-o’rinni maktabgacha ta’lim fakulteti egallagan bo‘lsa, 3-o’rinni fizika-matematika fakulteti egalladi.

Kafedralar kesimida esa yuqori ko‘rsatgich bilan 1-o’rinni fizika kafedrasi 2-o’rinni milliy g‘oya, ma'naviyat asoslari va xuquq ta'limi kafedrasi, 3-o’rinni O’zbekiston tarixi kafedrasi, 4-o’rinni maktabgacha ta'lim kafedrasi, 5-o’rin esa umumiy psixologiya kafedrasiga nasib qildi.

Yuqori natija ko‘rsatgan fakultet va kafedralar universitet rektori A.Yuldashev tomonidan pul va qimmatbaho sovg‘alar bilan taqdirlandi.