Xabaringiz bor, O‘zbekiston Respublikasi Prezidenti 24-iyun kuni “2021−2022 o‘quv yilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida”gi qarorni imzoladi.

Hujjatga ko‘ra, 2021−2022 o‘quv yili qabulidan boshlab davlat granti asosida kadrlarni tayyorlash bo‘yicha davlat buyurtmasi O‘zbekistonda faoliyat yuritayotgan xorijiy oliy ta’lim tashkilotlari va ularning filiallari hamda nodavlat oliy ta’lim tashkilotlari uchun ham shakllantiriladi.

2021/2022 o‘quv yilida Andijon davlat universiteti bakalavriatining kunduzgi ta’lim shakli bo‘yicha davlat buyurtmasi asosida o‘qishga qabul qilish parametrlari

Hisob kitoblarga murojaat qilsak, bu yil O‘zbekiston Respublikasi Prezidentining “Pedagogik ta’lim sohasini yanada rivojlantirish chora – tadbirlari to‘g‘risida” 2020-yil 27-fevraldagi PQ-4623-son qarori ijrosini ta’minlash maqsadida O‘zbekiston respublikasi Vazirlar Maxkamasining “Andijon davlat universitetining Pedagogika instituti faoliyatini tashkil etish chora-tadbirlari to‘g‘risida” 2021-yil 6-apreldagi 187-son qarori asosida Andijon davlat universitetining Pedagogika instituti tashkil etildi. Pedagogikaga ixtisoslashtirilgan 23ta  yo‘nalish intstitut tasarrufiga o‘tgani hisobiga o‘tgan yilgiga qaraganda umumiy kvota soni 1125 taga kamaygan (Ushbu institut uchun ajratilgan qabul kvotalari bilan shu yerda tanishishingiz mumkin). Shuningdek, Andijon davlat universitetida mavjud yo‘nalishlar bo‘yicha o‘tgan yilgiga nisbatan davlat granti soni oshirilgan. Jadvalda ko’rganingizdek, abituriyentlar 2021-2022 o’quv yili uchun bu yil Andijon davlat universitetiga 25 ta ta’lim yo’nalishi bo‘yicha 325 ta (o‘tgan yili 41ta ta’lim yo‘nalishi bo‘yicha 433 ta) grant va 975 ta (o’tgan yili 1992 ta) shartnoma, jami  1300 ta (o’tgan yili 2425 ta) o‘rin uchun hujjat topshirishlari mumkin.

 2021/2022 o‘quv yilida Andijon davlat universiteti bakalavriatining sirtqi ta’lim shakli bo‘yicha davlat buyurtmasi asosida o‘qishga qabul qilish parametrlar

Sirtqi ta’lim shakliga qabul uchun jami 8 ta ta’lim yo’nalishlariga hujjatlar qabul qilinadi.