Joriy yilning 8-iyun kuni Andijon shahridagi “Yoshlar markazi”da QVZ festivali o‘tkazildi. Unda Qirg‘iziston Respublikasi, Andijon, Farg‘ona va Namangan viloyatlaridan tashrif buyurgan 14 ta jamoa ishtirok etdi. Ular orasida universitetimizning “Universal” quvnoqlar va zukkolar jamoasi ham ishtirok etdi.

Jamoalar o‘z chiqishlarida talabalar hayotida uchrayotgan muammolarni, bugungi kundagi dolzarb mavzular yuzasidan hazil mutoyibaga boy sahna ko‘rinishlari orqali ko‘rsatib berdilar.

Jamoalarning chiqishlarini quvnoqlar va zukkolar assotsatsiyasi rahbari Olimjon Xudoynazarov, “Dizayn” va ”Shovvozlar” jamoalari faxriy a’zlolaridan iborat hakamlar hay’ati baholab bordilar.

Universitetimizning “Universal” jamoasi ham o‘z chiqishlari orqali mehmonlar va tomoshabinlarning olqishlariga sazovor bo‘ldi.

Yakuniy natijalar va keyingi bosqichga chiqqan jamoalar hakamlar hay’ati xulosasi asosida e’lon qilinadi.