Bugun, 1-aprel kuni Andijon davlat universiteti Pedagogika fakulteti Xotin-qizlar kengashi raisi Gulnozaxon Teshaboyevaning tashabbusi bilan fakultetda tahsil olayotgan boshlang‘ich ta’lim va texnologik ta’lim yo‘nalishlari 1-kurs talaba-qizlari o‘rtasida "Qizlar odobi" mavzusida davra suhbati o‘tkazildi.

Davra suhbatida universitet xotin-qizlar kengashi raisi Umidaxon Ahmedova, fakultet murabbiylar kengashi raisi Ra’no Yankina, pedagogika kafedrasi mudiri Nasibaxon Abdullayeva, umumtexnika fanlari va mehnat ta’limi kafedrasi mudiri Sobiraxon Toshpo‘latova, dotsent Arofatxon Negmatova, fakultetda faoliyat yuritayotgan ayol professor-o‘qituvchilar hamda 200 nafarga yaqin talaba-qizlar ishtirok etdi.

Davra suhbatida so’zga chiqqanlar qizlarning yurish-turish, kiyinish, so‘zlashish odobi, internet va ijtimoiy tarmoqlardan to‘g‘ri foydalanish masalalariga alohida e’tibor qaratib, bu borada qilinishi lozim bo’lgan ishlar haqida kelishib olindi.