Bugun, 11-mart kuni Ijtimoiy iqtisodiyot fakultetining majlislar zalida yoshlarning huquqiy ong va huquqiy madaniyatini yuksaltirish, mamlakatimizda yangi qabul qilinayotgan qonun va qarorlar haqida ma’lumot berish maqsadida “Sud va yoshlar uchrashuvi” o‘tkazildi.

Ushbu uchrashuvda jinoyat ishlari bo‘yicha Bo'ston tumani sudi sudyasi X.Kamolov va Ijtimoiy iqtisodiyot fakulteti yoshlar bilan ishlash bo’yicha dekan o'rinbosari S.A.Ismailov, professor-o’qituvchilar hamda fakultet talabalari ishtirok etdilar.

Uchrashuvda bugungi kunda mamlakatimizda qonun ustuvorligini ta’minlash va sud tizimini isloh qilish borasida amalga oshirilayotgan ishlar, sudlar faoliyatiga oid yangi qonun va qonun osti hujjatlar mazmun-mohiyati haqida yoshlarga tushunchalar berildi.

Uchrashuv davomida talabalar o’zlarini qiziqtirgan savollar bilan ishtirokchilarga murojaat qildilar hamda o’zlari uchun kerakli ma’lumotlarni oldilar.