Bugun universitetimizga Hindistonning ta'lim turizmi sohasida faoliyat olib boruvchi "Roobaroo" kompaniyasi rahbari Gagan Gupta sohib hamda hindshunos tadqiqotchi Dildora Xadjayevalar tashrif buyurdilar va Informatika va axborot texnologiyalari yo'nalishi talabalari va professor-o'qituvchilari bilan suhbat o'tkazdi. Gupta sohib o'zining kompaniyasi orqali IT texnologiyalar sohasida dunyoning eng rivojlangan Hindistonning yetakchi OTMlarida ta'lim olish dasturi bilan tanishtirdi.
Dastur O'zbekiston va Hindiston o'rtasidagi madaniy va ta'lim almashinuviga asoslangan bo'lib, u yo'nalishga qarab 1 haftalik, 1 oylik yoki 6 oylik muddatlarda tashkil etiladi. Kurslar IT texnologiya va qo'shimcha ingliz tilini o'rganishni taklif etadi.
Dastur nafaqat ta'lim balki, afsonaviy va rango-rang hind madaniyati bilan tanishish va dam olishni ham o'z ichiga oladi. Xususan, kunlik yoga va meditatsiya mashg'ulotlari, shaxsni rivojlantirish darslari, Bollivud uslubidagi raqs mashg'ulotlari, Tibet shifokorlari ko'rigidan o'tish, madaniy yodgorliklarga ayniqsa, Toj Mahalga sayohat odamni o'ziga jalb qiladi.
Talabalar ushbu uchrashuv davomida "Hindistonda o'qishning afzal jihatlari qanday?", "IT texnologiyalar va dasturlash tillarining qaysi yo'nalishlarini o'rganish mumkin?" va shu kabi savollariga javoblar oldilar. Uchrashuvning so'nggida mehmonlar uni tashkil etishga yordam bergan yoshlar bilan ish bo'yicha prorektor A'zamjon Hamraqulov hamda o'qituvchi Davlatova Hulkaroylarga minnatdorchilik bildirdilar.
170100, O'zbekiston Respublikasi, Andijon shahar,Universitet ko'chasi 129-uyE-pochta: agsu_info@edu.uz, anddu@exat.uz Telefon/faks: 0 (374) 223 88 30Ishonch telefon: 0 (374) 223 88 14Transport: 75-yo'nalishdagi taksilar
ANDIJON DAVLAT UNIVERSITETI
