Oliy ta’lim muassasalarida kredit-modul tizimi asosida talabalarning davomat va bilim darajasi qat’iy nazorat qilinadi. Talaba belgilangan me’yorlardan ortiq dars qoldirganda, u akademik qarzdor sifatida qayd etiladi va kursdan qoldirilishi mumkin. Quyida tartib bosqichma-bosqich yoritiladi.

Kredit va soat taqsimoti:

1 ta fan uchun 6 kredit ajratilgan;
1 kredit – 30 soatga teng;
1 ta fanning 6 krediti = 180 soat;
180 soatning 40% (72 soat) – auditoriya mashg‘ulotlari,
180 soatning 60% (108 soat) – mustaqil ta’limga ajratilgan.

Talaba auditoriya uchun ajratilgan 72 soatning ¼ qismi (yaʼni, 18 soat)ni qoldirsa, yakuniy nazoratga kiritilmaydi.

Yakuniy nazoratga kiritilmagan talaba akademik qarzdor hisoblanadi. Akademik qarzdor talaba kursdan qoldiriladi. Mana shu tariqa bakalavriat yoʻnalishidagi talaba 8 yilgacha oliy taʼlim muassasasida qolishi mumkin.