Bugun, 29-oktyabr kuni Andijon davlat universitetida yoshlarni milliy va umuminsoniy qadriyatlar, ijtimoiy-axloqiy, madaniy hamda ma’naviy an’analarimiz bilan yaqindan tanishtirish, talabalarda tarixiy tafakkur va milliy ongni yuksaltirish maqsadida “Yurtim qadriyatlari” respublika ko‘rik-tanlovining universitet bosqichi o‘tkazildi.

Tanlovda universitetning turli fakultetlaridan saralangan 6 ta jamoa “Milliy an’ana, qadriyat va urf-odatlar”, “Kompozitsion musiqiy chiqishlar” hamda “Jadidlar jasorati – millatimiz faxri” kabi yo‘nalishlar bo‘yicha o‘zaro bellashdilar.

Jamoalar o‘z chiqishlarida xalqimizning boy madaniy merosi, qadimiy urf-odatlari va ajdodlarimizdan meros bo‘lgan ezgu qadriyatlarni badiiy tarzda ifoda etib, quyidagi natijalarni egalladi:

1️⃣-o‘rinni — Tarix va ijtimoiy fanlar fakulteti jamoasi:
2️⃣-o‘rinni — Huquq-iqtisod fakulteti jamoasi;
3️⃣-o‘rinni — Kimyo va biologiya fakulteti jamoasi egalladi.

Tanlov g‘olib va sovrindorlarini chin dildan tabriklab, ularga keyingi bosqichlarda ham yuksak muvaffaqiyatlar, omad va zafarlar tilaymiz.