Mamlakatimizning barcha hududlarida Ekologiya, atrof-muhitni muhofaza qilish va iqlim o‘zgarishi vazirligi hamda Oliy ta’lim, fan va innovatsiyalar vazirligi hamkorligida “Hayot uchun joy ajrating” shiori ostida ommaviy plogging eko-aksiyasi o‘tkazilmoqda.

Bugun, 23-oktyabr kuni Andijon davlat universitetida rektor Baxtiyorjon Akbaraliyev tashabbusi bilan professor-o‘qituvchilar, eko-faollar hamda ko'ngilli talaba-yoshlar ishtirokida hududlarni chiqindilardan tozalash bo‘yicha ommaviy eko-aksiya tashkil etildi.

Jarayon davomida ishtirokchilar universitet hududi bo‘ylab har tomonlama chiqindilarni yig‘ib, atrof-muhitni asrashga munosib hissa qo‘shdilar va hududni yanada ozoda, sifatli hamda qulay makonga aylantirdilar.

Mazkur ezgu tashabbuslar kelgusida ham davom ettirilishi rejalashtirilgan.