Andijon davlat universitetida talaba-yoshlarning bo‘sh vaqtini mazmunli tashkil etish hamda ommaviy sport o‘yinlarini rivojlantirish maqsadida “Besh tashabbus olimpiadasi” doirasida turli sport yo‘nalishlari bo‘yicha musobaqalar o‘tkazilmoqda.

Bugun, 10-oktyabr kuni Sport va madaniyat fakulteti talabalari o‘rtasida “Besh tashabbus olimpiadasi” doirasida mini-futbol, voleybol, yengil atletika hamda stol tennisi turlari bo‘yicha sport musobaqalari bo‘lib o‘tdi.

Musobaqa jarayonida talabalar katta ishtiyoq bilan o‘zaro bellashib, nafaqat g‘alaba uchun kurashdilar, balki chinakam sport ruhini, do‘stlik va birdamlikning ajoyib namunalarini namoyon etdilar.