Talabalarni vatanparvarlik, inson huquqlariga hurmat, demokratiya va qonun ustuvorligi kabi muhim g‘oyalar ruhida tarbiyalash maqsadida bugun, 23-sentyabr kuni Andijon davlat universiteti Fizika-matematika va IT fakulteti talabalari tyutorlar boshchiligida Andijon viloyati ichki ishlar tuzilmasi tarkibidagi “Shon-sharaf” muzeyiga tashrif buyurdilar.

Ekskursiya davomida muzey xodimlari ichki ishlar organlarining tarixiy rivojlanishi, mustaqillik yillarida amalga oshirilgan islohotlar hamda xizmat tizimini modernizatsiyalash, huquqiy asoslarni mustahkamlash va jamoat xavfsizligini ta’minlash borasidagi chora-tadbirlar haqida ma’lumot berishdi. Shuningdek, xodimlarning fidokorona xizmatlari, jasorati va mamlakat tinchligi hamda huquqiy ustuvorlikni ta’minlashdagi o‘rni alohida ta’kidlandi.

Bu tashrif talabalarda vatanparvarlik hissini oshirib, qonun va adolat qadriyatlarini chuqur tushunishga xizmat qildi. Muzey yoshlarda ilhomlantiruvchi maskan sifatida taassurot qoldirdi.