Bugun, 19-sentyabr kuni Andijon davlat universiteti va Akademik litsey o‘rtasida o‘zaro hamkorlikni yanada mustahkamlash, ikki tomonlama do‘stona aloqalarni kengaytirish hamda ta’lim jarayonida samaradorlikni oshirish maqsadida mazmunli davra suhbati tashkil etildi.

Uchrashuvda tashkilotchilar “Yoshlarni kasbga yo‘naltirish masalalari” bo‘yicha fikr-mulohazalarini bildirib, ta’lim jarayonini takomillashtirish, yo‘nalish fanlariga oid milliy sertifikatlarning ahamiyati hamda kasb tanlashning dolzarb jihatlari yuzasidan batafsil tavsiyalarni taqdim etib, talabalar bilan samarali va qizg‘in muloqot olib bordilar.

Uchrashuv nafaqat yoshlarni kasbga yo‘naltirish masalalarini muhokama qilish, balki ta’lim jarayonlarini takomillashtirish, oliy ta’limga tayyorgarlikning dolzarb jihatlarini atroflicha yoritish hamda talabalarning intellektual va kasbiy salohiyatini yanada rivojlantirishga xizmat qildi.