Bugun, 18-sentyabr kuni Andijon davlat universitetida “Raqamli O‘zbekiston – 2030” strategiyasi doirasida raqamli savodxonlikni oshirish, IT-sohasida zamonaviy bilim va ko‘nikmalarni chuqurlashtirish maqsadida Raqamli taʼlimni rivojlantirish markazining tajribali mutaxassislari ishtirokida IT yo‘nalishiga qiziquvchi talabalar uchun o‘quv-amaliy seminar bo'lib o'tdi.

Uchrashuv davomida malakali ustozlar va soha mutaxassislari tomonidan my.gov.uz portali orqali davlat xizmatlaridan samarali foydalanish tartibi, “Bir million dasturchi” loyihasining imkoniyatlari, shuningdek, “Coursera” onlayn ta’lim platformasi orqali raqamli texnologiyalar, dasturlash va boshqa zamonaviy IT yo‘nalishlari bo‘yicha chuqur bilimlarni egallash usullari batafsil tushuntirildi. 

Seminar raqamli ta’limni keng joriy etish, yoshlar orasida IT-sohasiga qiziqishni oshirish hamda raqobatbardosh, zamonaviy bilim va ko‘nikmalarga ega kadrlarni tayyorlash yo‘lida muhim amaliy bosqich bo‘lib xizmat qildi.