Andijon davlat universitetida jamoaviy sport turlarini rivojlantirish va sog‘lom turmush tarzini keng targ‘ib qilish maqsadida “Rektor kubogi 2025” doirasida sportning mini-futbol turi bo‘yicha liga musobaqalari o‘tkazilishini ma’lum qilamiz!

Liga bahslarida ishtirok etmoqchi bo‘lgan jamoalarga quyidagi talablar qo‘yiladi:
har bir fakultetdan kurslar kesimida talabalar jamoasi va ustozlar, ishchi-xodimlar, tyutorlar jamoasi ishtirok etadi; 
har bir jamoa tashkilotchilarga 10 talik jamoa o‘yinchilari ro‘yxatini taqdim etishi so‘raladi (ro‘yxatga kirgan o‘yinchilar boshqa jamoada o‘ynamasligi talab etiladi);
jamoalar maxsus forma, logotip, hamda fan klubga ega bo‘lishlari kerak;
musobaqaga jamoalar 15 daqiqa avval kelishlari so‘raladi.

Eslatma: Uchrashuvga 10 daqiqadan ortiq kech qolgan jamoalarga mag‘lubiyat yoziladi.

Ligada ishtirok etmoqchi bo‘lgan talabgorlar @Adu_yoshlar1 Telegram manziliga murojaat etishlari so‘raladi.

Jamoalar ishtirok etish uchun zayavkalarni joriy yilning 27-sentyabr sanasiga qadar Yoshlar ittifoqi boshlang‘ich tashkilotiga taqdim qilishlari so‘raladi.

Liga musobaqalarini tashkil etish va o‘tkazish to‘g‘risidagi nizom bilan batafsil tanishish uchun: havola

G‘olib va sovrindorlar ko‘chma kubok hamda maxsus sovg‘alar bilan tantanali tarzda taqdirlanadi!

Jamoangizni yig‘ing, musobaqaga tayyorlaning va “Rektor Kubogi 2025”da o‘z fakultetingiz sharafini himoya qiling!