Ayni kunlarda Andijon davlat universiteti Ekologiya va barqaror rivojlanish kafedrasi professori Tolibjon Madumarov boshchiligidagi professor-o‘qituvchilar guruhi ikki tomonlama xalqaro hamkorlikni rivojlantirish maqsadida xizmat safari bilan Turkiyaning Ege universitetida bo‘lib turibdi.

Tashrif doirasida delegatsiya a’zolari qo‘shma ta’lim dasturi asosida tahsil olayotgan va hozirda Ege universitetida o‘qishni davom ettirayotgan o‘zbekistonlik talabalar bilan uchrashib, ular bilan ochiq muloqot o‘tkazdi hamda universitet va yotoqxonalarda yaratilgan shart-sharoitlarni o‘rganib chiqdi.

Shuningdek, oliygohimiz vakillari Ege universiteti rektori Prof. Dr. Necdet Budak bilan uchrashuv davomida ikki tomonlama hamkorlik aloqalarini yanada rivojlantirish, qo‘shma ilmiy loyihalarni yo‘lga qo‘yish hamda kelgusidagi istiqbolli rejalarni belgilab olish bo‘yicha muzokaralar olib bordilar.