0(374)223 88 14
     
      A   A   A   A   A   RASMSIZ  

MAHALLAMIZ MALIKALARI

22 Dekabr 2017 yil, Juma
Ko'rilgan: 1884

Muallifi: Gulchexra ZOHIDOVA
Pedagogika fakulteti talabasi

Mahalla – jamiyat vijdoni, adolat maskanidir. Mustaqillik yillarida mahallaning qadri, nufuzi va vakolatlari kengaydi. Bugungi kunga kelib unga e`tibor ham, talab ham kuchaymoqda. Ayniqsa, yurtboshimizni tashabbusi bilan 2017-2021 yillarga mo`ljallangan “Harakatlar strategiyasi”ni qabul qilingani mahalla fuqarolar yig`inlarining yanada fidoiylik va jonkuyarlik bilan faoliyat olib borishga undadi.

Muhtaram Prezidentimizning ana shunday tashabbuslaridan biri, xotin-qizlarimizga qaratilayotgan yuksak e`tiqod va e`tibordir. Bu borada mamlakatimizda juda ko`plab isloxotlar, ijtimoiy loyihalar va tanlovlar o`tkazilib kelinmoqda. Turli xil tashkilotlar tomonidan tuzilayotgan shartnomalar shular jumlasidandir. Qolaversa, yurtimizda ayollarimizni va qizlarimizni jamiyatda o`zlarining qiziqishlariga qarab o`z o`rinlarini egallashlari uchun keng imkoniyatlar yaratilmoqda.

Jumladan, joriy yilning 14-dekabr kuni O`zbekiston milliy teleradiokompaniyasi “Mahalla” teleradiokanali tomonidan, O`zbekiston Xotin-qizlar qo`mitasi va O`zbekiston Oliy va o`rta maxsus ta`lim vazirligi tashabbusi bilan “Mahallamiz malikasi” teletanlovining respublika bosqichi bo`lib o`tdi. Tanlov 4 shart asosida tashkil etildi. Ya’ni:

1.Tanishtiruv;

2.Savol-javob;

3.Tezkorlik (kutilmagan vaziyat);

4.Erkin  mavzu.

Yuqorida keltirilgan shartlarga O`zbekiston milliy drama  teatrining aktrisalari hamda O`zbekiston xalq artistlaridan: Muqaddas Xoliqova, Ra`no Yarasheva, Maxfuza Bobotillayeva va Ravshan Jo`rayevlar hakamlik qildilar. Hay`ati a`zolari 5 ballik tizimda ishtirokchilarni munosib tarzda baholab bordi.

Yuqori natijalarga, hakamlar hay`atining olqishiga hamda 1-darajali diplomga loyiq deb topilgan talabalardan: Ismoilova Barno, Zohidova Gulichexra, Yunusaliyeva Madina,  Mashhura Tursunpo`latova, Shahzoda Yuldashevalar munosib sovg`alar bilan taqdirlandilar. Jumladan, Xabibullayeva Ufora – magistrantlardan tashkil etilgan “Andijon” jamoasi a`zolari viloyat sha`nini himoya qilgani holda, tadbir ishtirokchilari qalbida chuqur iz qoldirdi va ularning olqishlariga sazovor bo`ldi.

XALQARO LOYIHALAR

RESURSLARIMIZ

MANZILIMIZ
170100, O'zbekiston Respublikasi, Andijon shahar,
Universitet ko'chasi 129-uy
E-pochta: agsu_info@edu.uz
Telefon/faks: 0 (374) 223 88 30
Ishonch telefon: 0 (374) 223 88 14
Transport: 75-yo'nalishdagi taksilar

BIZ IJTIMOIY TARMOQLARDA

© Andijon davlat universiteti, 2018. Barcha huquqlar himoyalangan. 
 
Ta'lim sifatini oshirish yuzasidan murojaat yo'llang!